TOSHKENT — Rossiyaning «Azimut» aviakompaniyasi 2026-yilning 28-oktabridan e'tiboran Moskva (Vnukovo aeroporti) va Navoiy shaharlari o‘rtasida muntazam havo qatnovini yo‘lga qo‘yishini ma'lum qildi. Parvozlar qishki jadval doirasida haftada bir marta — chorshanba kunlari Superjet 100 laynerlarida amalga oshiriladi.
Chiptalar barcha davr uchun sotuvga chiqarilgan bo‘lib, bir tomonlama parvoz narxi 14 000 rubldan, borish va qaytish uchun esa 32 200 rubldan boshlanadi. Ta'kidlash joizki, Navoiy aviakompaniyaning O‘zbekistondagi beshinchi manzili hisoblanadi; bungacha mintaqaviy aviatashuvchi Rossiyadan Toshkent, Samarqand, Urganch va Termiz shaharlariga doimiy reyslarni amalga oshirib kelmoqda.
